A股騎呢事日日都有，本欄早前提及房企多倫股份發公告，申請將公司名改為「匹凸匹」（普通話「P2P」（網絡金融）的諧音），以示進軍互聯網金融，但通告同時承認，而家乜都未有。
結果申請仲未獲批，股價已連續兩日升停板。上交所睇唔過眼，昨日勒令多倫股份停牌。
上交所仲要求，多倫股份需要評估目前股價是否高估，並要向股民做風險提示，且提交內幕知情人士過去6個月買賣紀錄，睇下有冇內幕交易。
近期A股公司改名成風，例如「熊貓煙花」改為「熊貓金控」、餐飲股「湘鄂情」改為「中科雲網」、酒店股「寶利來」改為「神州高鐵」，股價借勢炒上。
睇嚟今次上交所真係忍無可忍，要喝停歪風。
黃尹華