最近高官神秘落區猶如玩快閃，傳媒好似玩緊玩貓捉老鼠，要捕獲野生高官。噚日朝早又瘋傳特首梁振英會落區，去石硤尾南山邨宣傳政改，超過20位記者到場。有街市檔販話近日收到指令有高官落嚟，啲貨物唔可以擺喺條路，好多人索性拉閘唔做生意，有檔主對高官落區好反感。
記者等足一日都冇動靜，連落區三寶「警察、區議員、地區組織」都唔見，大家開始覺得機會不大。最後連「白宮發言人」喺facebook強調3次，指噚日謠言傳足一天，特首去咗宴客，唔可能會喺黃昏時候去咗蘇屋同南山落區。IC叫記者早點收工，唔好因為怕漏咗而有壓力喎。