隨住劉江華入咗政府做副局長，明年立法會選舉，民建聯派出邊位替補劉華喺超級區議會出戰？早前有傳反佔中非常得力嘅副主席陳勇係大熱，極有可能拍住主席李慧琼一齊出征，但八方聽聞該黨最新部署，係由另一位副主席周浩鼎Holden代劉華上陣喎。
Holden係律師，啱晒西環想搵專業人士出戰嘅條件，就算Holden最終未能勝出，至少都賺咗知名度，為日後政途鋪路。
要做超級議員就一定要係區議員，怪唔之得現為離島委任區議員嘅Holden必須轉戰直選。八方問過Holden，係咪有心理準備要出征？佢話𠵱家距離立法會選舉為時尚早，暫時唔諗呢啲，最重要做好本份。