菲律賓拳王帕奎奧（箭嘴示）雖然喺本月二號場世紀之戰，點數輸畀美國不敗拳王美韋達，但周三返到馬尼拉仍受到英雄式歡迎；數以千計嘅粉絲喺條巡遊路線度等佢，佢亦好識做，拋T恤同埋海報之類紀念品畀支持者。至於佢同美韋達場拳賽，總收入高達六億美金，單係收費電視用戶就破紀錄達440萬戶，為比賽帶嚟四億美金，估計美韋達至少分到兩億美金，真係發過豬頭。