楊千嬅、何超儀、何超蕸、上山詩鈉與前新聞主播周嘉儀等，昨日於銅鑼灣出席黎芷珊的自家太陽眼鏡品牌發佈會，芷珊花了7位數字投資品牌，得到衆多老友支持感到興奮，尤其是千嬅排除萬難、向公司爭取時間到場，而劉德華、黃秋生及鄭伊健更特別錄製短片祝賀芷珊。
問到千嬅有沒有興趣成立個人品牌？她說：「自己已經係個人品牌，用好多精力做唔同演出，個仔（Torres）已經係經營緊嘅生意，不求回報，只想佢健康。近日囝囝發燒，搞到我夜晚瞓唔到，老公（丁子高）頂我唔順，問應該係咪我要去睇醫生，家庭就係我一生經營嘅生意。」
千嬅自從拍完電影《五個小孩的校長》後，表示有意跟老公一同修讀有關幼兒課程，她更大爆老公床事說：「佢近日玩運動同上佛學，上完佛學會返到屋企，會喺臨瞓前同我上一課講佛偈，之後佢自己就瞓覺，我就入晒腦諗。我同佢講千祈唔好咁快化，好囉嗦，我一𤷪佢就叫我放下，成日放，放乜啫？但我唔會話佢，因為做楊小姐同丁太係兩個語氣。個仔就真係細個唔識，聽完爸爸講，『哦……』咁就行咗去，但我成40歲人，學個仔咁樣人哋會以為我有事，叫我食藥。」
嘉儀BB等緊第六春
此外，嘉儀BB早前被拍到和有米筍盤、經營餐廳的Edward飯敍，她昨日在活動上說：「我哋只係朋友，正常社交食飯，唔係追我，大家傾工作，未來有啲慈善合作。」至於被指有第六春，嘉儀BB表示：「𠵱家係單身，冇拍拖，對搵男友會順其自然。」
採訪：卓寶花
攝影：陳順禎
