【平價有因】
建於山上的美景花園，乃青衣區內樓齡已逾31年的私人屋苑，毗鄰公屋長青邨及香港專業教育學院（IVE）青衣分校，位置偏離港鐵青衣站，樓價較鄰近青衣站的盈翠半島及灝景灣相對落後。
記者昨到達美景花園親身視察，物業位置吊腳，距離港鐵青衣站步程逾半小時，所以居民出入市區惟有接駁巴士、小巴往葵芳或青衣港鐵站，每程車需時逾10分鐘，然後再轉往港九各處。
屋苑現正進行大維修工程，包括外牆修葺及住戶大堂翻新，所以8座樓宇全部圍上棚架，且有大量工程人員出入。屋苑商場相當「的骰」，不設街市，只有連鎖超級市場，食肆亦僅數間快餐店及街坊小店，飲食購物選擇都相當有限。項目位處高位，視野開揚，空氣流通。有街坊認為，正因地點不就腳，該屋苑樓價為青衣區最平。亦有居住多年的街坊指，該屋苑大部份單位背山面海，整體環境好，並認為該屋苑樓價升幅唔算誇張，只是過往落後太多，現追返上來。
【美景花園住戶心聲】
業主何太表示：「始終美景係低價，𠵱家佢喺低位升上，啲人覺得佢好勁，其實出面嗰啲仲升得勁！成個青衣計，美景啲樓真係最平！」
租客梁先生指：「屋苑樓價升幅唔算誇張，只是落後太多，所以𠵱家追返上嚟……無辦法，政府做得唔好！其中辣稅令盤源減少，樓價自然升。」
