【本報訊】即時通訊軟件LINE、WeChat、WhatsApp、facebook Messenger都推出錄音留言功能，省卻打字的麻煩，但原來也有煩惱。有網民在fb羅列錄音留言聽取太費時等「7宗罪」，表明罷聽，吸引逾3,600人轉載，引起熱議，如學民思潮成員周庭表示認同，但前記者張寶華則力撐錄音更能表達己見，視障人士也喜用錄音留言。
記者：李鈺廷 翁煜雄
網民Alex Tsang接受《蘋果》查詢時稱沒想過5月9日上載的留言會引起如此大迴響，「我有啲朋友好鍾意錄留言，但好多都冇諗過收留言嗰個好慘」。
周庭「鄙視emoji」回應
Alex在文中表明很討厭錄音留言，「明明是1、2K就可以傳送得到的訊息，現在我要用過100K數據，才可以接收你的訊息，而我不是用無限數據的」，又指聽取錄音較閱讀文字多花兩三倍時間。他又反問朋友：「你認為我外出時一定有戴耳筒？可以在不打擾別人或不與別人分享的情況下，聽你的留言？」
網民反應不一，部份認同與其錄音留言不如直接通電話，又擔心留言若有粗言穢語，在公開場合聽取會尷尬，而且部份場合如會議便不適合聽取。周庭便稱會盡量用文字留言，若收到錄音留言，除非來自黃之鋒等「會講重要嘢嘅人」，否則未必即時聽取，因不時收到無聊錄音「問你最近點呀?」，她說友儕收到此類濫發錄音留言都會回覆「鄙視emoji」。
也有力撐錄音留言，張寶華稱「部手機冇速成，用手寫板又好慢」，而說話較文字更能表達意思及情緒；若對方不方便聽取，會再傳文字留言，「最重要係有得揀錄音定文字，香港人都想有得揀啫」。有網民稱長者或不懂得打字，而且若親人過世，「好想聽番佢把聲，可以開番嚟聽」。
其實Alex在留言有聲明不針對視障人士的錄音留言。失明人協進會會長莊陳有稱，視障人士多用錄音留言，除方便外，「聽聲可以感受到對方真正情感」。不過他說iPhone等已備輔助功能，助視障者打字，「如果傳送重要資訊如數字，我都會打字」。
莊認為留言是人與人之間溝通，只要互相了解便可，無謂太拘泥於形式。
識睇睇留言
【撐錄音留言】
Roger Yu：我5（唔）識中文打字，只可以手寫，用錄音對我有用。
Kate Yiu：錄音也有好處…就係親人過世…好想聽番佢把聲…可以開番嚟聽。
Cheuk Ki：打字唔係雙方切切實實去溝通，語氣你唔知，態度你唔知，喊定笑住同你講你都唔知！難道你叫老一輩遷就你，全部都走去學打字寫字？
【反錄音留言】
Raymond Tong：用錄音點解唔打電話講呢?
Roy Chan：一個group當（有）30人，有29人因為你浪費時間。我都唔會聽。
仲明 尹：明知對方成日粗言穢語，在地鐵巴士收到留言，我真係冇勇氣聽。
資料來源:互聯網