出爐金像獎最佳男配角曾江，在神劇《大時代》扮演總華探長龍成邦，被丁蟹綁架後遭殘酷糟躓，觀眾至今難忘。曾江前晚與馮寶寶等在圓方出席電影《媽咪俠》首映時，表示沒看《大時代》，他說：「冇喎，都唔係好有印象，TVB我唔睇，渣吖嘛。最好重播《我本善良》，不過導演都死埋，金庸系列都好，𠵱家拍唔番。」對於無綫深夜重播《大時代》狂加廣告費，他說：「與我冇關吖，無綫賺晒錢得㗎喇，唔使理人，啲artist幾陰功呀。」
曾江稍後會拍《三個小生去旅行》，他笑笑口說：「我唔係為無綫，我為咗同老友去旅行，去邊都唔理喇，同老四（謝賢）、阿修（胡楓）一齊講吓粗口咪幾好，由佢慢慢剪。」另外，曾江與馮寶寶相交近50年，新片飾演父女，馮寶寶笑說：「我幫女演員爭番口氣。」
採訪：藍文浩
攝影：陳俊強
