於一片唱好大市的氣氛下，Sell in May魔咒在上星期乍現，令恒指全個星期累跌555點，上周五收報27577點，唔知你哋有冇沽貨？講到沽貨，有個指標同Sell in May差唔多準，就係黃昏之星啦。
黃昏之星由三支陰陽燭組成，先是一支大陽燭，其後是一支陀螺或十字星，以及一支陰燭。以中遠洋(1919)為例，股價於4月27日大幅上升，以接近全日高位收市，出現大陽燭，於28日現陀螺，雖然仍有升幅，惟力度大減，終於在29日出現大陰燭一支，顯示黃昏之星已成形，為股價見頂訊號。中遠洋股價亦在黃昏之星出現後連續5個交易日下跌，股價累挫23%，第六個交易日才回彈。
當然，圖表分析非全然準確。Doctor Chart過往預測表現並非未來表現嘅指標，所以投資前請參讀上市公司文件作出風險評估，以及尋求專家嘅意見。好喇，下星期同樣時間Dr. Chart 會再同大家見面。