除咗生仔前要諗清楚之外，其實養寵物之前都要三思，如果唔係就好似英國女星施安娜美娜（Sienna Miller）咁，為咗囡囡而唔要狗狗就唔好喇。
英國《每日郵報》噚日爆施安娜將佢三年前養落叫Nana嘅紐芬蘭犬畀咗佢繼母養，因為施安娜怕Nana會整親兩歲嘅囡囡Marlowe。施安娜曾經投訴過帶Nana去散步嗰陣，被佢拉到跌落地，施安娜另外仲養咗隻叫Bess嘅細狗。
雖然施安娜幫Nana搵咗新嘅屋企，但係網民都鬧佢咁做都係等同拋棄狗狗，話佢係唔負責任嘅狗主。呢種狗出名體型同力量都大，最重可以達70公斤，網民又鬧施安娜決定養Nana之前應該知佢會變大狗。