翁靜晶與何東爵士的曾孫何彪（Sean Eric Mclean Hotung）感情發展穩定，年初二人被本報拍到結伴睇鑽飾。昨日在網上更發現疑似兩人的facebook賬戶，感情狀況竟寫着「Mary J Hotung」與「Sean Hotung」已婚，由2010年至2012年間有多個貼文報喜，指兩人由「戀愛中」變成夫婦，相片則更新至上月，翁靜晶以何東家族法律顧問身份，陪同Sean及爸爸何鴻章出席古洞村的盆菜宴，儼如一家人。
大女仍崇拜爸爸
昨日記者致電翁靜晶求證婚訊傳聞，她支吾以對說：「應該係Sean屋企人整嘅，自己唔係咁清楚。」是否已再婚？她說：「未，唔急，但既然發現咗（fb），我都會認真考慮。」問兩女是否接受？她說：「細女（劉幸儀）同佢（Sean）感情幾好，但大女（劉萬儀）好錫同崇拜爸爸，仲需要啲時間。」據悉劉家良生前與翁靜晶的感情早已變淡，但為兩個女兒着想，加上劉師父當時患重病，故一直拖拉未有離婚。
守喪三年期未過
而翁靜晶與Sean的戀情早於2010年開始萌芽，翁家與何家是世交，故何鴻章一直好愛錫翁靜晶，並視她為新抱仔。88歲的何鴻章年事已高，希望八個仔女都能成家立室，而孻仔何豹將於下月再婚，何鴻章亦希望排第四的Sean與翁靜晶今年內拉埋天窗，故各出奇謀製「家族互聯fb」催逼二人結婚。
但據了解，翁靜晶心中仍有好多顧慮，先是萬儀未能接受媽媽再婚，再者劉師父前年7月病逝，守喪三年期仍未過，擔心會遭受徒弟反對，令翁靜晶承受很大壓力。
採訪：嵐山、唐如
