阿唯（29歲）10年前父親因肺癌病逝，今天他也不幸患末期睾丸癌，生命倒數每一秒都寶貴，阿唯希望將所餘無幾的日子全花在母親身上，更希望走到死亡幽谷前能奇迹來臨，可以與母親同遊台灣圓心願。「母親節同媽咪行吓，簡單食餐飯，佢已經好開心，因為佢知道，下個母親節我未必陪到佢」。
阿唯父親10年前因肺癌病逝，從前的三人行變成母子相依，如今癌魔再選中阿唯，兩人又走向生死岔口：「一個走咗（丈夫離世），另一個又發現有癌（兒子患睾丸癌），當時諗點解個天要咁對我？」生命中最重要的兩個男人都罹患絕症，唯媽媽一直想不通。
沒有了丈夫，她撐起整頭家，4年前阿唯大學畢業，努力工作儲錢，原希望帶媽媽去旅行「開心吓」，其後得悉患上癌症，猶如晴天霹靂。
靠中醫藥粉吊命
阿唯表示：「之前喺浸會（大學）讀完心理學出嚟做嘢，搵到錢希望同家人搭我人生第一次飛機，一齊去旅行，台灣、歐洲都有諗過，點知未儲夠錢就出事，𠵱家就算想同媽咪去長洲睇搶包山，影相留念都無能為力，搭埋船起碼幾個鐘，人多又逼，我身體真係負荷唔到。」
面色蒼白的阿唯，身體異常虛弱，末期睾丸癌癌細胞迅速擴散至心臟附近形成淋巴瘤，腫瘤直徑近4厘米，現時靠服中藥調理身體，每天靠6包中醫藥粉吊命。
阿唯續稱：「希望可以生存多一日得一日……希望有一日好番，可以盡仔嘅責任養佢，買間屋畀佢住；但每日見到阿媽收工返嚟仲要照顧我，煮飯畀我食，覺得好內疚」。康復也許是奢望，但阿唯沒有放棄，只想有更多時間陪伴母親，甚至一起去旅行。
■記者馮詩媚
「阿唯」捐款編號：C3405