現年31歲的靚媽陳倩揚家中有三條king，除老公陳浩然之外，還先後誕下4歲大仔陳羲廷（Auryn）和4個月細仔陳羲穎。今個母親節，倩揚收到大仔親手畫的畫，她甜笑說：「囝囝好鍾意畫畫，雖然佢唔係咁知母親節係乜，但我收到都好開心。」倩揚還透露大仔好識施冧功：「見媽咪出街着靚啲，佢會話『媽咪你好靚』，每晚我同爹哋都會輪流講故事，佢又會好肉緊咁攬住我，可能見我成日抱細佬啦！」
有人𠱁自己開心，倩揚亦好識𠱁媽咪開心，她說：「我覺得節日係要嚟提醒一啲好忙嘅人，係我心目中唔使節日先送禮，平時我都有送護膚品、衫等；媽咪曾經跌傷過兩次，我仲自己代理護脊腰帶，同一啲強肋骨食品，最重要媽咪身體健康。」
採訪：嵐山