靚靚人妻陳爽於去年10月為老公梁梓軒誕下囝囝Adrian，今年首次以媽媽身份過母親節的她，因囝囝只有6個多月大，所以未有太多的慶祝活動，只會與老爺奶奶、爹哋媽咪以及老公和囝囝一齊食飯，她笑說：「自從阿B出咗世之後，生活氣氛好開心，真係每一個人笑得多咗，佢真係一個開心嘅BB，雖然有時湊B都辛苦，但係得到嘅快樂係好享受。」
自從做了媽咪後，陳爽坦言深深體驗做媽咪的辛苦，問她會否送甚麼禮物報答媽媽？她笑說：「阿B已經幫我報答咗佢，我哋送畀媽咪啲嘢都好實用，通常會睇吓佢要乜咪買乜，不過送禮物唔一定要母親節，平時都可以送，盡量買畀佢同滿足佢。」她還笑說：「不過我都有啲呷醋，所以成日問媽咪我同BB邊個係第一位，媽咪次次都選擇唔答，但係我估佢鍾意BB多過我。」至於老公有否代囝囝送禮物給她？她則說：「冇呀，太多媽咪喺度喇！」
採訪：譚倩宜