上山詩鈉的女兒Hilary上月剛18歲，上山是工作狂，廚藝卻零分，反而Hilary是家中廚神，假日必為媽咪炮製美食。Hilary暑假後便到美國升學，出發前的這個母親節，她就學整朱古力向媽咪送甜。
Hilary花了約一個多小時，製成了心形朱古力生果盒及立體朱古力心意卡，當中難度最高是在朱古力上寫字，Hilary都掌握自如，坐埋一邊的上山蹺埋雙手等食。當Hilary打孖獻上製成品，上山甜到漏：「太靚，唔捨得食。」Hilary還送上賀卡，卡面設計簡約，兩朵花芯貼上母女照片，內裏親手寫上：「Thanks for everything！I love You.」上山即笑到四萬咁口。
上山形容母女關係如朋友：「我好少打鬧個女，我哋乜都傾，當然講過幾次佢都仍然錯，我就會語氣重啲。做單親媽咪唔容易，記得我最擔心係囡囡細個病，我又要開工就最擔心。」Hilary感謝媽咪在成長過程給予很大自由度：「媽咪好開放，好溫柔。」Hilary被公認是索爆星二代，上山卻謙虛：「佢都唔係好靚好叻箒。」上山不阻止女兒將來加入娛圈，但堅持要Hilary先完成大學課程。
採訪：比華利
攝影：陳志嵐
場地：GODIVA Chocolatier