【母親節專題】
今日母親節，失婚媽媽羅霖（Candy）離婚後挑起養家的重擔，一邊工作一邊照顧三子，她的9歲幼子劉子晉（Jonathan）為她製造驚喜，學製了Ukulele彩繪及以家人合照相片及畫像以報道新聞的形式自製心意卡。Jonathan在Ukulele上畫上羅霖最愛的Hello Kitty公仔，再加了媽咪的名字「Candy（糖果）」及粉紅色玫瑰花，背後寫上「Thank you for being my Mom」，認真有心思！
笑言開心過執到金
Jonathan接受訪問時向媽媽剖白內心世界，在旁的羅霖笑言開心過執到金，經常望着母親甜笑的他表心迹：「多謝你錫我，媽咪係一個好好嘅媽咪，媽咪做嘢辛苦，有次你去咗韓國好耐，直至半夜，我最擔心你身體健康，我message畀媽咪。」Jonathan十分懂事，知道母親工作辛苦，他說：「成日都好夜返嚟，同埋好攰。但媽咪夜晚會捉住我隻手瞓覺，好快就瞓。」覺得媽咪靚嗎？Jonathan二話不說：「靚。」問Jonathan知道媽咪叫美魔女？他即顯得困惑，而羅霖在旁解釋，他笑問：「點解你可以咁嘅？」羅霖笑謂：「你哋唔好激我，我就會keep住後生，咁先可以同你哋玩機動遊戲。」
Jonathan對母親衣着性感也有微言，他瞇起雙眼說：「你太old啦！你嘅年紀……」羅霖向囝囝說：「年紀大就唔可以性感？去沙灘同你玩都會着泳衣，最緊要媽咪肥唔肥先？我想知你對媽咪嘅要求？」Jonathan說：「唔肥。我想你瘦啲。」問他想媽咪找男友嗎？起初Jonathan答：「我唔要。」羅霖即解釋：「到時你哋結晒婚，冇人理我？」之後Jonathan天真的說：「咁要搵錫媽咪，同埋錫我。」
羅霖坦言做單親媽媽不簡單：「要比之前付出好多好多倍嘅努力，其實自己做嘢都好攰，攰到冇晒胃口，但第一時間會畀晒啲細路仔，晚晚瞓得幾個鐘，有少少心力交瘁，但係我覺得如果可以靠自己努力令三個小朋友有好嘅生活，健康快樂成長，我覺得係值得嘅。」
採訪：羅慧敏
攝影：陳俊強
化妝：Peggy Tsui
髮型：Jay of Hair Salon
場地提供：The Kido Town 香港創意畫室