在《大時代》飾演童年方芳的唐寧，從小擁有一個幸福的家，長大後亦組織了美滿家庭，育有一子一女，母親節對她來說是個大日子：「自己做咗母親之後都明白母親有幾咁偉大，就算未有小朋友睇呢個節日都好重，會同小朋友同媽媽一齊慶祝。」自稱是「地獄廚神」的唐寧準備挑戰自己，煮一頓愛心晚餐給家人享用，她說：「有時覺得物質上嘅嘢冇乜特別，手做可能會更加深刻，應該嗰日試吓煮嘢，我係煮嘢麻麻哋，但媽咪煮嘢好叻。」
唐寧對媽媽有講不完的話，她說：「講唔完，一定係多謝，再講都係多謝，自己做咗媽媽之後，知道養大一個小朋友係唔容易，我哋係媽咪眼中永遠係BB。」唐寧媽媽對4歲俊俊和4個月大的嗡嗡，都有一番話：「最緊要係健健康康，乖乖哋，有時係咪學好多嘢要精呀！唔重要，我只係想佢開開心心，愛錫自己就夠喇！」
採訪：楊潔雯