【窩心禮物】
母親節又到，孝心子女除送花表孝心外，今年也有一些另類、貼身及窩心的母親節禮物；有日本潮流產品店最近引入最新一代溫熱眼部按摩眼罩，為媽咪熱敷眼窩，以及Hello Kitty首款溫熱穴位按摩咕𠱸
首引入化妝品雪櫃
連鎖日本潮品店JC Shop負責人Alan指，母親收花會說一句「咁貴，擺得幾日」，若多送一個溫熱眼部按摩眼罩，母親便覺得實用，「呢個樂聲牌按摩眼罩係最新一代，幫媽咪熱敷眼窩紓緩疲倦，仲去皺」。
Alan說，另首次引入獨立化妝品雪櫃，讓母親擺放面膜、精華液，「唔使將面膜同啲冷藏食物一齊放，衞生得多」。另外，新面世的Hello Kitty母親節禮品，有溫熱穴位按摩咕𠱸、微型吸濕機，以及二合一吸塵機，「呢啲產品最啱啲40多歲在職潮媽；呢幾日母親節臨近，唔少客作最後衝刺選購」。
Parrot品牌則推出最新科技產品Parrot Flower Power裝置，幫母親照顧收到的花束：發言人稱，將配備藍牙智能技術的裝置放於泥土中，便會量度影響植物生長和健康的要素如濕度、光線和肥料水平，數據傳至手機及建議如何適當照顧植物。
■記者蔡朗清