被譽為「最美麗港姐」的朱玲玲、陳凱琳及何傲兒等昨晚現身尖沙嘴洲際酒店，出席慧妍雅集的慈善舞會，其中作為會長的陳法蓉及周美欣最為性感。何傲兒於約滿無綫後首次出席公開活動，她表示：「感覺好特別，今次以個人身份嚟。」問到她曾傳過緋聞的林建名有否找她，傲兒表示：「我哋有良好關係，會優先考慮，𠵱家係家姐幫我傾job。」
陳凱琳與鄭嘉穎傳出「父女戀」，男方坦言希望有空間約會發展，記者問到二人的緋聞時，陳凱琳心情勁靚同記者開玩笑：「係呀，𠵱家開始……做訪問……唔係拍緊拖，都係認識當中，拍劇知佢為人點，對身邊人好好，好肯教我做戲。」問到對方可是她杯中茶，她表示：「好朋友，同佢一齊好舒服，啱唔啱飲，我唔識答呢個問題。」至於嘉穎提到唔排除約會她，問她會否單獨約會，陳凱琳笑言：「睇情況，唔係拍戲，大家又得閒，不妨出嚟傾吓偈。」
朱玲玲恨再抱孫
此外，朱玲玲與二仔霍啟山一同出席活動，她透露星期一才慶祝母親節，問到新抱郭晶晶近況，會否有喜訊，她有玄機地表示：「你哋見到問吓佢，大家都想，爸爸都90幾歲，多一個曾外孫都好開心，唔好畀壓力佢。」本報昨日聯絡霍啟剛問及他與晶晶有否喜訊，截稿前未有回覆。
採訪：黃曉妍
攝影：陳慧安
