世上只有媽媽好！已有一個4歲半大囡囡的鄭文（Cathy），今年將會度過一個特別的母親節，皆因9月尾是她第二胎的預產期，她說：「第二胎係囝囝，今年都係同囡囡、囝囝一齊慶祝，但阿仔就坐VIP位，未出嚟見大家住，下年就可以俾我抱住慶祝喇！」
腹大便便的Cathy，今年母親節會帶囡囡同媽媽三代同堂一齊食飯慶祝，她笑說：「囡囡一向都好重視節日，乜嘢節日都好重視，要慶祝。今年母親節，佢就話要整嘢畀我食，幫佢諗咗最簡單嘅飯糰，雖然都要我幫手，但佢咁有孝心，真係好開心同感動。」
問Cathy生一女一仔湊成「好」字，會否再追？她笑言應該會「收工」。不過，原來Cathy囡囡一直想要妹妹，知道將會有細佬，花了一段時間才接受得到。
Cathy笑言：「囡囡睇咗《魔雪奇緣》就好想有妹妹，聽到醫生話照到係細佬，佢猛問我照另一邊係咪妹妹，以為我肚入面有兩個BB，後來我畀其他卡通片佢睇，等佢知道好多人都有細佬，佢先至明白。」
採訪：小米