日乙一哥金澤薩維根（紅衫）近三場只取得一勝兩和，狀態雖稍稍回落，但於周六聯賽有主場之利，加上亦可強陣，故仍夠條件把岡山綠雉擊退，少讓平/半必捧上盤。
金澤雖然是升班馬，但開季予人驚喜，頭12場聯賽取得八勝兩和兩負兼僅失六球，以一分之差力壓磐田山葉而暫居榜首。現時他們沒主力傷停，教練森下仁之可排出強陣，預計於聯賽入八球的清原翔平應會續任右中場，與秋葉勝等支援前線的佐藤和弘及水永翔馬。
至於綠雉，開季12場聯賽四勝五和三負，表現不過不失，但近況卻麻麻，四戰兩和兩負，而且人腳未算完整，缺少了後衞篠原弘次郎及田中奏一，故受讓亦不太值博，一於撐金澤重開勝門，開出讓平/半的上盤。
捧回勇山葉挫蜀葵
同日磐田山葉主場對水戶蜀葵，山葉上場於大戰反勝大阪櫻花2:1而結束兩連敗，加上幾可強陣，一對前鋒保夫萊特及艾達頓杜斯山度士聯賽共入12球，故穩贏近五場聯賽四負的蜀葵。另外，大阪櫻花的狀態雖然比較飄忽，近四場聯賽兩勝兩負，但前線有科蘭、卡卡奧及柏保路泰斯拿等射手壓陣，其中科蘭聯賽已入九球，因此有力作客贏近五場聯賽只取得兩勝三負的北九州向日葵。文：青蛙仔
識睇，一定係睇足英台【英波Live】：
http://soccer.appledaily.com
http://bit.ly/engballlive