由細到大，家中長輩總會叫大家不要吃太多「生食」，以免「唔乾淨」。但近來外國興起的Raw Food（生機食物）卻反其道而行，打正旗號「唔生唔食」，信奉者未有肚痛之餘，更表示愈食愈健康，到底Raw Food是甚麼？
記者：劉嘉欣
攝影：楊觀賜
以蘿蔔絲加蔬果製成「Raw炒麵」、椰子製成「Raw雪糕」，太平山街上的Anything But Salads是香港少數提供Raw Food的餐廳。幾位創辦人包括來自新加坡的Calista同樣奉行Raw Food Diet。「我差唔多24歲時病得好緊要，喺大腸有個腫瘤，手術之後好多嘢食唔到，所以就要自己研究下可以食到咩係乾淨食物。」結果，唯有Raw Food可以令Calista「食得入口」，從此愛上這種食法，更令她放棄律師這份高薪厚職，跟友人合伙開Raw Food餐廳。
Raw Food其實是指未經高溫烹調的食物，一般以42度為界線，因為奉行Raw Food Diet的人認為，超過42度的烹調方法會破壞食物營養及酵素。「其實Raw Food有兩個種類，一個係Raw Vegan，全素。另外一個就係真正嘅Raw Food，可以食肉、魚、蛋，都無問題。」 Calista更笑指，香港人常吃的刺身其實都是Raw Food，只是大家不為意。不過一般有心實行Raw Food Diet的人，都會選擇Raw Vegan，貪其更加健康。「好似好多Model都鍾意食Raw Food，佢地覺得工作好多壓力，而且食Raw Food可以算係排毒，一個好慢嘅排毒。」
不能使用高溫，Calista要整朱古力，唯有靠人手慢慢磨，更特地將人蔘、靈芝等中藥食材加入朱古力內，增加營養。不過記者親身嚐過這款朱古力，口感實在比不上平常吃到的，但好處是是減少了吃朱古力的罪疚感，感覺健康。「初頭食Raw Food，大部份係治療身體嘅人，會感覺到有多啲能量同專注力。第二就係頭髮同眼光好似會變靚好多，長期食就可以抗老化。」
雖然認為Raw Food功效顯著，但Calista強調，食Raw Food不等如任何生的食物都可以放入口，一定要洗得乾淨徹底。她亦不推薦大家100%食Raw Food，事關未必人人受得之餘，更可能會缺少部份重要營養。
那到底甚麼人才適合食Raw Food？吃多少才可以得到最好的效果？留意下一集【Raw Food之味】吧！