繼續在賣盤一事兜兜轉轉的AC米蘭，周六迎戰意甲二哥「首都狼」羅馬（圖），既然頹勢未止，對手又兩連勝回勇，一於再追紅黑軍團對家。羅馬作客讓平/半，上盤要捧。（球賽編號：星期六51；無綫網絡電視301台明日2:45am直播）
傳了近兩周的AC米蘭賣盤傳聞，至今仍然是個謎，以為泰國的Mr.Bee志在必得，突然又有中國財團中途殺出，而現任班主貝盧斯科尼的態度又模稜兩可，整件事未知會否爛尾收場。賣盤傳聞傳得炙熱，必影響整體士氣，而球隊餘下賽程，又已無望爭奪歐洲賽資格，球員與恩沙基關係亦有傳已破裂，導致最近三連敗。
此外，AC米蘭上仗對拿玻里，有後衞迪施基利奧開賽僅50秒便領紅牌被逐，今仗要停賽。至於首席射手文尼斯亦未刑滿，此子已算是紅黑軍今季較對辦的球員，故今仗面對意甲二哥羅馬，不見任何重返勝軌的本錢。
羅馬回勇錄兩連勝
羅馬雖然在下半季成績一落千丈，但近期有回勇迹象，近兩周先後擊敗薩斯索羅及熱拿亞，暫時以一分領先拉素，返回第二位。由於聯賽第三雖能取得下季歐聯入場券，但要踢外圍賽，故羅馬要力保第二位，戰意肯定在AC之上，陣容亦較完整，故作客上盤仍可取。文：東尼
識睇，一定係睇足英台【英波Live】：
http://soccer.appledaily.com
http://bit.ly/engballlive