三位美國國會議員訪港同立法會議員見面，獲單獨會面嘅人民力量陳偉業，當面向境外勢力大數特首梁振英不是。大嚿同八方講，因梁振英之前屈佔中有外部勢力，既然噚日佢有機會見到美國國會議員，咁啱呢班國會議員見完大嚿之後，就會去見梁振英，咁就梗係叫佢哋問梁振英拎啲證據出嚟，如果唔係就即刻叫梁振英「shut up（收聲）」。
面對大嚿咁樣嘅訴求，呢班國會議員點招架呢？大嚿就形容佢哋嘅回應都幾幽默，因為佢哋話唔可以叫梁振英收聲，最多只可以代大嚿發聲，將大嚿嘅說話轉述畀梁振英聽。至於最後佢哋有冇真係為大嚿發聲，就不得而知喇。