亞洲區世盃外次圈即將開鑼，足總噚日宣佈港隊下月11號喺主場首戰不丹前，一號會去馬來西亞集訓七日，當中六號仲友賽大馬國家隊。同樣噚日公佈嘅港隊25人名單，首屆港超盟主傑志有盧均宜等七人入選成大戶；入籍兵方面，效力中超遼寧宏運嘅科夫意外落選。另外，主帥金判坤仲重召咗曾經喺摩力克年代入選過集訓隊嘅東方前鋒梁子成，頂替因傷退隊嘅前鋒陳肇麒同李康廉。