【本報訊】不少Club 100會員知道個人資料被外洩後，都感到氣憤。會員郭先生表示，他昨日早上收到電郵後，即時撥打電郵中提供的查詢電話：「我問佢哋有乜嘢實際行動？（資料）send咗畀邊個？佢唔肯講我知，跟住個小姐就咁cut咗我線，再打去電話一直唔通。」郭形容當時「超嬲」。
郭從事會所服務行業，礙於工作地點附近「冇乜好食」，每星期都會光顧大家樂3次以上，因而亦登記成為Club 100會員。雖然身份證資料沒有外洩，但郭擔心：「有電話號碼可以WhatsApp我、轟炸我。」他認為大家樂應該有書面道歉，並對會員作賠償，例如派發優惠券。
另一名入會兩年的關小姐，致電大家樂查詢時亦一肚氣：「佢講話總之就唔止我一個人，我問嗰個（收到資料的）人係咪其中一個會員，佢話呢方面資料唔可以提供，真係幾過份！」她表示已即時通知其他朋友，未來亦不會再參與類似的會員制度。
■記者黃 昇