記協搞籌款晚宴，雖然前政務司司長唐英年冇現身撐場，但係佢亦一如以往，贊助全場紅白酒，雖然只係每枱紅酒、白酒各一支，但以噚晚筵開53席計，即係全場過百支酒都係唐唐送出，都算唔話得。
先講支紅酒，呢支係來法國波爾多Pessac-L𥌎ognan嘅2008年La Parde de Haut Bailly，有網站畀佢84分，按網上報價大約接近200蚊港元一支，係抵飲嘅酒。至於支白酒就係嚟自法國勃艮第嘅2010年Saint Aubin En Remilly Marc Colin，評分更加有成89分㖭，現時網上報價大約要250蚊一支。咁樣加埋，唐唐都贊助咗過2萬幾蚊酒。