世紀拳賽完咗差唔多成個星期，但仲有大把手尾跟，好似帶傷上陣嘅帕奎奧俾拳迷告到上法庭，而贏家美韋達（左）都俾前女友告誹謗。咁都無損美韋達嘅心情，佢日前就帶埋現任女友Shantel出席歌手Chris Brown嘅豪華生日party，同時就梗係慶祝埋自己又贏拳啦。不過佢嘅經理人就頭痕嘞，連退役拳王迪拉海亞都出嚟抽水，告佢非法壟斷美國拳賽喎。