立法會議員就快要就政改方案投票，令政改爭拗最近更加熱烈沸騰，黃、藍絲帶越來越壁壘分明，立場鮮明。中電（002）主席米高嘉道理噚日出席股東會時竟然戴住黃色領帶，唔通佢係支持黃絲帶嘅?呢個題目咁敏感，嘉道理即刻向華華澄清，指呢條呔並唔係黃色，而係金色至真，佢仲係中電嘅公司呔嚟㖭，即係叫大家唔好諗多咗喇。