深宵重播劇《大時代》熱爆！nowTV連日邀請劇中演員做訪問，連久未露面的藍潔瑛都「出山」接受梁榮忠《102觀星總部》訪問。節目下周一播出，昨晚播出一分鐘的預告片段，藍潔瑛化了靚妝set好頭，精神不俗，對被封「靚絕五台山」，她說：「係靚就靚，做乜要絕啫，講靚我就真係唔算靚啦，我覺得關之琳、李嘉欣嗰啲就好靚啦。」
好多人讚玲姐演技出色，但她卻嫌自己未夠好：「最記得拍完以為個角色，尤其係以為做學生妹嗰段好容易做，睇番原來好唔掂，韋家輝監製俾我再重拍嗰場戲。」有指她現在生活拮据，她說：「攞綜援囉，同埋有一個講國語嘅，佢每個月借錢畀我囉。」
邵仲衡見過珍妹裸體
此外，邵仲衡和楊羚昨日到柴灣錄影《娛樂審死官》，邵仲衡自爆當年與李麗珍拍《不扣鈕的女孩》，他說：「叫我客串拍幾日文戲，點知打開門見佢冇着衫，之後剪輯到我摸佢，仲要唔畀足錢。」另預錄受訪的吳詠紅則說：「我當年係提早解約，以前拍戲多發揮，但後期電視製作偏向主角，走時真係有啲唔開心。」
採訪、攝影：馬健華
