今年係《基本法》頒佈25周年，鄉議局身為建制陣營一分子，噚日都搞番場研討會，又可以當埋撐政改，可謂一舉兩得，而主人家鄉議局主席劉皇發當然有到，仲有咁隆重搞到咁隆重，開場例牌奏一奏國歌，跟住又要為已故嘅基本法起草委員會委員同埋港澳辦前主任魯平默哀，之後仲要為居功至偉、值得尊敬同埋學習嘅發叔致熱烈掌聲，其實真係幾土豪feel！
發叔佢老人家就話，攸關國家安全嘅《基本法》23條同埋關係到普選特首嘅《基本法》45條都要貫徹落實，唔可以選擇性做，正如享有《基本法》賦予嘅權利同自由同時，都要明白不能放棄責任與義務，唔係自由會變亂局喎。