【搶米娘子大激鬥】澳門賭業猛人周焯華（洗米華）的正印陳慧玲（Heidi）連番晒肚、貼全家福宣示主權的行動，早前引來Mandy Lieu在網上進擊，先揶揄洗米嫂要穿XXL的衣服，又放了一張跟洗米華愛巢的照片。此舉卒之引來Heidi友人向華強太太陳嵐發功主持公道，向太昨日以WhatsApp回覆本報，勸喻「自稱女友的人不要咄咄逼人，始終人家才是正室，不要常放冷箭傷人」，明衝着Mandy而來。
洗米華定剖腹日
向太昨日回覆時，先替Heidi澄清預產期原本是6月10日，提早剖腹生產是洗米華的意思，向太說：「係洗米華提出不如（BB）和他同一日生日（5月30日）更加有意思，醫生話冇問題，所以半年前已經約好醫生、訂晒醫院房間同埋陪月，好早已經搵李丞責揀咗時辰同改名。」
向太透露洗米華與Heidi一直沒有對外透露確實日期，是不想入院時引來太多傳媒到場，為家人帶來騷擾。身邊的朋友及家人都知道6月預產期這個日子，所以不存在未足月出世的問題，向太更苦口婆心地向小三說：「你始終係第三者，係過客，遲早會走，人哋先係老婆，又大緊肚，何必做得咁過份。」
好友轟有人抹黑
另外，陳山聰大嫂李碧君，昨日接受電話訪問時，亦證實好友Heidi早就定好剖腹日期，她說：「不嬲聽佢講係5月30號，因為搞慈善活動開會時，佢已經講只會出席埋4月尾活動，之後要安胎5月尾生BB，我哋仲問佢已擇好日子？佢講係華哥（洗米華）訂嘅，話同佢同一日生日有意義。講佢提早攞BB出嚟係抹黑，拎小朋友嚟做武器真係好難聽。」
採訪：梁錦雯
