中國乒乓球隊打完世乒賽，噚日轉赴澳門進行交流活動。香港球迷唔會得個恨字，因為國乒落實下周二訪港兩日，當中有新科男、女單世界冠軍馬龍同丁寧（右），加埋劉詩雯等八個主力。周二抵埗後，國乒晏晝四點會去旺角麥花臣，同班港將合演慈善賽，美中不足係活動只開放畀公益金受惠團體同恒生乒乓球學院球員。周三佢哋就會兵分三路，造訪七間中、小學。