禮拜六沙田八草兩泥賽事，草地用B加2跑道，睇番最近4月7日同一移欄賽事，不論係跟前守好位之「吉祥」、「飛來猛」，抑或後上之「順頭順路」、「靚橙」及「曦世之寶」等，都係沿途貼欄慳位留力，走三叠或以外轉彎已好難贏，內檔馬值得優先留意。
今戰列陣馬中，第二場「靚橙」上仗正是於4月7日B加2欄排內檔打開在港勝門，等番同一移欄再跑，有運抽得一檔起步，有機會再下一城。另外，第五場「花紅」前仗初跑B加2欄即入Q，重返強項咪睇小。
至於兩場泥地都係跑一哩，此程一向利追唔利放，近期頭馬好似「軍火」及「幸運才子」都係入直路從中後位置衝贏對手，頭場「歡欣滿載」及第六場「博愛福星」等擅跑泥地之後上馬可優先留意。