工黨主席李卓人噚日喺立法會政改小組會議，怒斥盲撐政改方案的建制派議員係奴才後，民建聯「元秋」蔣麗芸即反擊，指「我係咪可以話你哋泛民都係全部廢『燉』？」
究竟乜嘢係廢「燉」？在場冇人知，連講嗰位蔣麗芸都唔知，仲叫人去查字典，話「簡單咁講，即係廢物」。傳媒會後問元秋個「燉」字點寫，元秋苦笑話唔知，只話呢個係鄉下話，佢亦唔知個字點解。
呢個時候社民連長毛梁國雄噚日見元秋被記者考起，即上前指「廢燉」寫法應為「廢戥」，意指「朽木不可雕，你挨親埋佢都PK啊」，元秋聞言後即附和說：「係呀！係呀！」，辯稱「我冇去研究吖嘛」。長毛即笑說：「咁你仲講出口？可能係讚人用嘅呢！你鬧李卓人係廢戥，其實係讚佢咁咪大鑊？」
