fb洗版嘅旅遊相，似乎唔係日本，就係韓國。香港舊年有超過55萬人次訪韓，比2013年升四成，創歷史新高。今年為咗再推高人次，韓國觀光公社（KTO）嘅「韓友營」網站（ http://www.koreaplaza.hk），今朝9點起會推平機票。
＃三千套等你搶
KTO第二年推「韓國自遊瘋」推廣，最吸引嘅「Korea Crazy Fares」有濟州航空、釜山航空、真航空同易斯達航空提供優惠機票，廉航濟州航空飛首爾最平，單程未連稅400蚊，即係來回800蚊咋。玩厭首爾，可以考慮釜山航空嘅釜山直航線，來回套票888蚊，包20公斤行李、餐飲同免費劃位。機票出發日期大約由5月9日至10月7日。
今次有3,000套優惠機票，比舊年多一倍。費清擔心會唔會頭一日就搶晒㗎。不過，大會話按舊年經驗，優惠票都賣到大約一個星期㗎，相信係因為時段比較好嘅機票會搶手啲，但其他時段就應該唔係太多人搶，所以如果行程彈性較大，就繼續試吓訂，優惠票訂到5月30日就會截止。
另外，上個網投票揀「我最喜愛大使」，就有機會贏來回首爾機票。
＃要生計，也要生活 ＃毋忘初衷
費清