法國時裝名牌Louis Vuitton（LV）昨日早上，在美國加州舉行2016年早春時裝騷，邀請了不少亞洲女星出席，當中有張曼玉、章子怡、劉嘉玲、何韻詩、楊丞琳、韓星斐斗娜等，同場還有荷李活影星米雪威廉斯（Michelle Williams）、法國影后莎樂姬絲寶（Charlotte Gainsbourg）等，而內地富婆Laura更是內地唯一獲邀嘉賓，在場內與中田英壽、嘉玲合照，更教超模Miranda Kerr玩美顏影相自拍。
阿詩自轉營做獨立歌手後首度獲大型品牌邀請睇騷，以一身透視黑bra打扮現身，之後在後台與章子怡影合照，而章子怡更透露早前曾看過她的演唱會，阿詩接受本報訪問時笑言：「好多人都好奇問我點解佢哋會邀請我，可能係個新設計師嘅設計年輕啲，佢哋喜歡我嘅性格，同佢哋感覺接近，上次去巴黎睇佢哋個LV騷，係舊年928嗰排，今次佢哋再邀請我好感激。」
發展個人品牌
提到工作近況，阿詩表示忙完有種市集後，將會發展她個人品牌的生活家品：「希望可以透過自己工作，推廣香港有才華嘅年輕創作人一齊合作，可以係設計師、插畫師。」阿詩透露現忙於一個大型音樂企劃：「唔係演唱會紅館個種類型，冇咗唱片公司，𠵱家乜都親力親為，大小事項由場地、設計做美術、拍攝團隊、乜嘢都係自己安排，好似之前喺台灣開演唱會所有數都自己去計，要好專注，唔可以偷懶，雖然幾辛苦，但好開心，因為可以有好多可能。」
採訪：唐如
