A股呢幾日消息滿天飛，不時有政策打壓消息傳出，然後阿爺出來澄清，然後又再有新流言，真真假假，大市就被玩殘，一路係咁跌，仲累埋港股。正好叫香港股民領略下喺A股大時代中，政策市的威力。
前晚有網站爆料，中證監有高層話要打孖展，嚇到股民騰騰震，中證監昨發微博話消息不實，但隨即又刪咗。咁搞法，單新聞究竟真定假？效果仲衰過唔澄清，結果昨A股又勁跌。
4月23日有微博消息話要加印花稅，第二日中證監澄清消息不實。禮拜二再有消息話要加印花稅，國稅總局又澄清。禮拜一《人民日報》叫股民注意風險，翌日股市大跌，該報又澄清市場誤讀呢篇文章。但呢啲官方澄清，似乎只會將個市越搞越亂，A股連瀉不止。難怪有股民話，想要個市好番，最好叫呢啲官方機構收聲！
黃尹華