唔使再返office、回復「自由身」的方健儀（Akina）早已將興趣寓於工作，或者好多人都知，Akina係一個皮匠，學藝兩年，連皮製「口水肩」都整過，佢仲大爆連老公洪楚恒都受佢感染，有意教人修理單車。
Akina同老公都好鍾意踩單車，日踩夜踩，身形就越來越fit，不過架單車就梗係易壞啦！好彩Akina有個私人修車專員，之唔係洪楚恒囉！Akina笑言，「日子有功，老公修車技術越來越好」，仲話連佢都想將興趣轉化做工作，教人修理單車喎。
佢甜思思咁講，「老公可以喺一邊教人整車，我就喺另一邊教人整皮革，都幾幸福呀！」前主播做單車舖老闆娘喎！華華梗係替佢高興啦。點知Akina就話：「佢可能講吓咋，都算係一個dream嚟，唔知最後係咪可以圓夢㗎。」