中大下周一5月11日舉行第14屆榮譽院士頒授典禮，今次有5位社會各界人士榜上有名，包括現年93歲嘅堪輿學家、廣東「真步堂」天文曆算第三代傳人蔡伯勵（圖）。
中大話蔡大師從業編輯曆書同提供風水意見長達60幾年，每年編纂嘅《真步堂通勝》出版逾百萬冊，仲喺2013年獲廣東省政府公佈為省級非物質文化遺產，擁有深厚傳統文化修養，樂善好施，喺香港、雲南同柬埔寨捐建多所非牟利學校，又熱心教育業，尤其支持中大，多次捐款畀中大及伍宜孫書院，對社會同中大都有卓越貢獻。其餘4位獲頒榮譽院士嘅仲包括養和醫院董事局主席暨院長李維達醫生、商人及慈善家劉佐德、資深律師余銳超以及製衣業名人游應森。