前年七月，蔣怡為老公翁狄森誕下女兒翁容（Uma），做咗媽咪嘅蔣怡一直相夫教女，事事以女兒行先，除咗工作外，蔣怡平時亦炮製蛋糕，果然入得廚房﹑出得廳堂嘅靚媽咪。不經不覺，翁容已經22個月大，蔣怡前晚喺微博貼咗囡囡新相，趣緻可愛，蔣怡留言：「轉眼間Uma已經22個月大，會跑會跳的她對任何事情都充滿好奇！」
蔣怡囡囡咁可愛，大肚人妻官恩娜應該都好期待BB出世喇！雖然已經有咗身孕逾三個月，不過佢仍以工作為先，昨日佢喺instagram上載兩圖，雖然Ella身穿黑色裙子，但都隱約見到個大肚，佢話：「番工啦﹗」之後佢再上載一張抱狗狗照，並留言：「完成電影配音的工作…回家休息一會…再出發拍攝雜誌封面..很充實的一天。」工作還工作，大肚婆唔好咁操勞呀﹗