廉政公署1995年聯同香港6個主要商會成立「香港道德發展中心」，攜手推廣商業道德。唔怕生壞命，最怕改壞名，八方聽聞過往唔少人一聽到呢個中心名字，都有啲莫名其妙，乜廉署連教育局負責嘅道德發展呢一瓣，都要搞埋？適逢成立20周年，廉署終於決定將中心改名「香港商業道德發展中心」，新增「商業」兩個字，避免外界誤會，而中心嘅諮詢架構「香港商業道德發展諮詢委員會」亦同時擴展，由原來6個創會商會新增另外4個外國商會。覺得呢個委員會有啲面善？無錯，華潤集團前董事長宋林涉嫌違紀違法落馬前，就係呢個委員會主席。