為咗備戰今年網壇第二項大滿貫、仲有唔夠兩個禮拜就開打嘅法國網球公開賽，唔少男女球星家陣都喺馬德里參戰緊馬德里公開（大師）賽。其中一姐莎蓮娜喺女單次圈，只係用咗58分鐘就擊敗同樣來自美國嘅史堤芬絲，將自己嘅連勝紀錄增至25場；而細威嘅好友禾絲妮雅琪亦同樣順利晉身第三圈。