新界關注大聯盟發言人何君堯周日喺《城市論壇》鬧爆嶺大學生會請樂隊唱辱警粗口歌係犯法，不過佢喺節目自稱「社會工作者」，反而俾社會工作者總工會質疑佢冒認社工觸犯《社會工作者註冊條例》，要求佢交代同道歉。本身係律師嘅何君堯就發揮佢獨特嘅辯才，話當時係指「社會上工作的人士」，冇話過自己係註冊社工喎。
何君堯當時咁講：「我對警方無愛無恨，我唔係為佢（警方）發言，我係一個普通市民，但亦都係一個社會工作者，你可以咁講。」社總噚日發公開信話任何人未經註冊就自稱社會工作者或社工即屬違法，社工噚日開始發起一人一信，向社工註冊局投訴。