中環在線：施永青英國嫁女被叫封口 - 李華華

中原地產創辦人施永青為人高調，嫁女竟然相當低調，皆因佢大女施慧勤落咗封口令，做爸爸嘅當然尊重寶貝女嘅決定喇。
施老闆大女喺英國出嫁嘅照片噚日喺代理之間嘅facebook瘋傳，大家先至得悉此事。從相片睇到，施老闆嘅女婿係一名英俊老外。真係恭喜晒！

聽講，施老闆只係邀請咗親友去英國觀禮，華華致電祝賀，佢話唔係好想講呢啲私事，講唔夠兩句就收線了。之後佢WhatsApp補充：「結婚在這個世代已完全是個人私事，作為父母的也管不了，我女兒早已提醒我，不可妄加議論，為了避免記者糾纏不休，我不得不採取決絕的態度。」
新娘子施慧勤2008年喺英國劍橋大學畢業，喺外資代理行做過投資部助理經理後，就去過中原唔同部門打工，試過喺香港跟豪宅，又去過上海做二手研究，𠵱家喺中原旗下上海中國寶源地產代理公司工作，施老闆似乎想等佢自己行條路出來。