杜汶澤最近拍江湖片《選老坐》，江湖大佬總有索阿嫂，而戲中的阿嫂就由冼色麗飾演，阿澤前日在facebook貼了他們的結婚劇照，還留言：「正興七哥＆七嫂。」相中着婚紗的冼色麗蹺實阿澤臂彎，昨阿澤在電話中說：「戲中我會踎監，出到嚟老婆大咗肚，我發覺佢鍾意咗我兄弟姜皓文（黑仔），但黑仔就冇勾義嫂。」阿澤還爆料戲中與情婦有激戰床戲。
阿澤跟冼色麗曾在電影《DIVA華麗之後》合作，他說：「當年我覺得冼色麗啲戲麻麻哋，佢係花瓶，近日睇咗佢主演音樂劇《香港有個Bollywood》，對佢刮目相看，所以我上周先決定臨時易角，畀佢做我老婆。」
此外，阿澤老婆田蕊妮前晚與友人去大坑食甜品，約一小時後離開，阿田和一位同行的小朋友錫錫道別。
採訪、攝影：陳杰、潘冠恩、吳耀輝
