尼泊爾地震，這麼遠其實那麼近，香港有啲人原來同尼泊爾都有緣份，心中仍然感受到「餘震」。
前空姐Odia之前因工作曾到過呢片土地，早前陪朋友去尼泊爾成個月學滑翔傘，感受到當地人嘅善良。點知，完成旅程返香港第2日，當地就地震。
#捐$100送明信片
佢決定將喺當地影嘅相製成明信片，發起名為「尼泊爾的微笑」嘅明信片送贈活動（圖），今個月內只要捐款去任何機構支援尼泊爾救災工作，將收據發送到佢fb專頁「Ochivaye Dreams中東空姐 繼續流浪+尋夢去」嘅郵箱，佢就會將明信片寄到府上 。捐$100送一張，捐$500或以上就有一套6張。
另外，海洋公園營銷執行總監梁啟誠曾經當兵，認識好多𨫥喀兵，「當中唔少係尼泊爾人，曾經都為香港出過力㗎」。尼泊爾領事館同佢講，當地災後好需要帳篷、毛氈、毛巾等，大家想盡一分力，可以聯絡佢，電話3923 2688，電郵mailto:[email protected]。
費清 ＃要生計，也要生活 ＃毋忘初衷