之前有調查話香港嘅學生揀午餐最緊要係好唔好味，健康只係其次。
來自英國嘅知名廚師Jamie Oliver為鼓勵大眾食得健康，就發起全球聯署，爭取將健康飲食教育成為學校必修科，仲話要全球學童都受惠。
貴為名廚，Jamie設計咗個「爽脆包包」，用各種蔬菜做成健康三文治，仲錄咗個製作過程，本月15號香港就會有150個學生，一齊睇片跟佢學整包。
成個活動名為《為食起革命》，主辦單位計劃用兩年時間，向兩萬名香港學生提供免費健康飲食教育之餘，亦會舉辦唔同公眾活動畀市民參加，詳情可瀏覽活動網頁 http://frd.asia/。