民望高日前喺牛頭角上邨派政改宣傳單時，竟然一時情緒失控，喺市民面前爆seed，一句「講完！」，將佢嘅局長生涯帶上另一「高峯」。何解外表斯文嘅民望高竟然如此火爆？唔知係咪知道大家對此心思思，八方聽聞民望高今日出席一個電視台接受醫管局前主席胡定旭訪問，周四又會去到民主黨主席劉慧卿嘅網台節目受訪，相信佢勢必趁機解畫，唔知咁樣能否為佢嘅民望止血？
卿姐同八方講，噚日佢請高永文上佢網台節目時，局長一口答應。八方問過食衞局嘅政治助理陳凱欣，佢話高永文嘅口頭禪其實唔係「講完」，而係有另一金句；至於係乜，佢叫大家估吓喎。