日前有位師奶喺晚上，無啦啦跟住社民連主席梁國雄返屋企啟業邨，一路跟仲一路拍片影住長毛，大聲話「我𠵱家跟住個死賤人，跟住個狗賊、漢奸！」見慣大場面嘅長毛好鎮定，即時以工聯會王國興嘅「俚語」回敬：「收皮啦，師奶。」
但呢位爛口師奶繼續死跟，全程兩分鐘不斷以粗言穢語挑釁長毛，叫佢食蕉，不滿長毛身為議員，月入數萬卻仲住喺公屋，長毛擰轉頭駁斥：「你可以去查我㗎嘛，你去房屋署告我咪得囉。」長毛最後安全回家，未有如局長高永文般失控，而呢位師奶將條短片上載至YouTube，將短片名為「美國長毛狗變成過街老鼠」。有咩目的？大家心照。